Prepárate para unha noite inesquecible no corazón do deportivismo. O Centro Ágora acollerá un acto moi especial no que reviviremos a tempada máis gloriosa da historia do Dépor, da man dos seus protagonistas.

Xogadores históricos, directivos, traballadores do club e seareiros reuniranse para compartir en primeira persoa anécdotas, emocións e vivencias daquela máxica campaña 1999–2000. Unha ocasión irrepetible para escoitar as súas voces, coñecer o que pasaba dentro do vestiario e volver sentir aquela paixón que uniu a toda unha cidade.

Durante o acto tamén terá lugar a presentación oficial do libro “O Mellor Que Me Pasou Na Vida”, unha edición limitada que recompila testemuños exclusivos de figuras como Scaloni, Djalminha, Fran, ou xornalistas de referencia coma Óscar Benito, Moncho Viña e Nacho Carretero. Inclúe tamén unha emotiva entrevista a Guillermo Novellis, vocalista de La Mosca, a banda que puxo banda sonora ao soño deportivista.

Un evento para emocionarse, lembrar e celebrar xuntos, como aquel maio inesquecible.

📌  Prazas limitadas